झापा — झापाको दमकमा रतुवा नदिले बगाउँदा एक जनाको मृत्यु भएको छ । आज बिहान करिब सवा ७ बजेतिर रतुवा नदि तर्ने क्रममा दमक १ का ५३ बर्षीय मोहन रमदामलाई रतुवा नदिले बगाएको थियो । नदिले बगाउदै गरेको देखेपछि स्थानीय युवाले उनलाई नदिबाट उद्धार गरेर नदि किनारमा निकाल्ने बित्तिकै उनको मृत्यु भएको ईलाका प्रहरी कार्यालय दमकले जानकारी दिएको छ । मृतकको शब कानूनी प्रकृया पुरा गरि पोष्टमार्टमका लागि दमक अस्पताल पठाईएको दमक प्रहरीले जनाएको छ । झापामा केहि दिन यतादेखी निरन्तर बर्षा भईरहेको छ । जसका कारण नदिहरुमा जलस्तर बढेको र नदि किनारमा अनाबस्यक रुपमा नजानपनि प्रहरीले सर्बसाधारणलाई आग्रह गरेको छ ।